Paralimpiya harakati vakillari Osiyo Olimpiya kengashining 46-Bosh assambleyasida ishtirok etishdi
Bugun poytaxtimizda nufuzli xalqaro sport tadbiri — Osiyo Olimpiya kengashining 46-Bosh assambleyasi o'tkazildi.
Mazkur tadbirda Osiyo Olimpiya kengashi va unga a’zo Milliy Olimpiya qo‘mitalari vakillari, Xalqaro Olimpiya qo‘mitasi, yetakchi sport tashkilotlarining rahbarlari bilan bir qatorda O'zbekiston Milliy Paralimpiya qo'mitasi raisi Muxtorxon Tashxodjayev va Osiyo Paralimpiya qo'mitasi (APC) rahbariyati vakillari ishtirok etishdi.
Ta'kidlash joiz, anjuman davomida Milliy Olimpiya qo‘mitalari assotsiatsiyasining (ANOC) birinchi vitse-prezidenti, Qatar Milliy Olimpiya qo‘mitasi Prezidenti Shayx Jav’an bin Hamad Ol Soniy Osiyo Olimpiya kengashi Prezidenti etib saylandi. Bundan tashqari, Toshkent shahrining 2029-yilda yoshlar o'rtasidagi IV Osiyo o'yinlariga mezbonlik qilishi bo'yicha rasmiy shartnoma imzolandi.
