O‘zbekiston Tojikiston bilan Osiyo kubogini durang hisobda boshladi
2026-yilgi Osiyo kubogining «C» guruhi 1-turidan o‘rin olgan O‘zbekiston — Tojikiston uchrashuvi golsiz durang bilan yakunlandi. Markaziy Osiyo derbisi sifatida katta qiziqish uyg‘otgan bahsda tomonlar 0:0 hisobiga rozi bo‘ldi.
O‘zbekiston terma jamoasi bosh murabbiyi Nodir Eliboyev jamoani Shavkat Ibragimov boshchiligidagi tarkibda maydonga tushirdi. Uchrashuvning dastlabki daqiqalaridayoq darvozabon Ibragimov bir necha bor xavfli vaziyatlarda jamoani goldan qutqarib qoldi. Birinchi bo‘limda Elbek To‘lqinov, Muzaffar Ahadjonov va Ilhomjon Hamroyev tomonidan yaratilgan vaziyatlar Tojikiston posboni Bekmurodovning ishonchli o‘yini sababli golga aylanmadi.
Durang natijadan so‘ng har ikki jamoa bittadan ochko jamg‘ardi. Guruhning boshqa uchrashuvida Yaponiya Avstraliyani 6:2 hisobida mag‘lub etib, «C» guruhida peshqadamlikni qo‘lga oldi. O‘zbekiston va Tojikiston esa ochkolar soni bo‘yicha 2–3-o‘rinlarni bo‘lishib turibdi.
