O‘ZBEKISTON MILLIY AVTOMOBIL VA MOTOTSIKL FEDERATSIYASI DAVLAT BOJXONA QO‘MITASI BILAN UCHRASHUV O‘TKAZDI
2025-yil 17-sentyabr kuni O‘zbekiston Milliy Avtomobil va Mototsikl Federatsiyasi (NAFKU) hamda O‘zbekiston Respublikasi Davlat Bojxona Qo‘mitasi o‘rtasida kengaytirilgan uchrashuv bo‘lib o‘tdi.
Uchrashuv davomida poyga texnikasi, inventar va jihozlarni olib kirish va olib chiqish jarayonlarini soddalashtirish, bojxona tartibga solish masalalari hamda avtomobil va mototsportni rivojlantirish uchun zarur bo‘lgan normativ hujjatlarni tayyorlash masalalari muhokama qilindi.
Mazkur uchrashuv 2025-yil 12-sentyabr kuni O‘zbekiston Sport vazirligi, Prezident Administratsiyasi, Milliy Olimpiya Qo‘mitasi, Davlat Bojxona Qo‘mitasi va Yo‘l Harakati Xavfsizligi Boshqarmasi ko‘magida o‘tkazilgan sport poyga avtomobillari va poyga jihozlari texnik taqdimoti doirasida boshlangan muhokamalarning mantiqiy davomi bo‘ldi.
Davlat Bojxona Qo‘mitasi bilan birgalikda ishlab chiqilgan va tasdiqlangan hujjatlar mamlakatimizda avto va motosportning rivojlanishiga katta hissa qo‘shadi, shuningdek O‘zbekistonning xalqaro avto-motosport musobaqalariga integratsiyasiga xizmat qiladi.
NAFKU musobaqa ishtirokchilari va tashkilotchilari uchun qulay sharoitlar yaratish bo‘yicha faol ishlarni davom ettirmoqda, bu esa mamlakatimizda avto va motosportning yanada ommalashuvi va rivojlanishiga xizmat qiladi.
