O‘zbekiston konkurchilari Yevroosiyo ligasida mukofotli o‘rinlarni egallashdi

Alimjonovga oltin va bronza, Musayevga kumush, Erkinovga ikkinchi o‘rin

Boshqa sport turlari 23 iyn 2025 da 07:15

Rasm: Gazeta.uz

Moskva viloyatida ot sportining konkur yo‘nalishi bo‘yicha Yevroosiyo ligasi musobaqalari bo‘lib o‘tdi. Unda O‘zbekiston terma jamoasi vakillari muvaffaqiyatli ishtirok etishdi.

110 sm balandlikdagi to‘siqlarni yengib o‘tish bo‘yicha bahslarda Xurshidbek Alimjonov eng yaxshi natijani qayd etib, oltin medalga sazovor bo‘ldi. Shuningdek, u yana bir bahsda bronza medalni qo‘lga kiritdi.

Mirzohid Musayev shu yo‘nalishda kumush medalga sazovor bo‘ldi.

125 sm to‘siqlar bilan bo‘lgan musobaqada esa Alisherjon Erkinov ikkinchi o‘rinni egalladi.

O‘zbekiston ot sporti vakillarining xalqaro arenalardagi muvaffaqiyatlari soni tobora ortib bormoqda.

Mashhur yangiliklar