Olimpiya shaharchasi Yakkakurash sport turlari majmuasida o‘smirlar va kichik o‘smirlar o‘rtasida Judo Sport Club Cup xalqaro turniri davom etmoqda
Olimpiya shaharchasi Yakkakurash sport turlari majmuasida o‘smirlar va kichik o‘smirlar o‘rtasida Judo Sport Club Cup xalqaro turniri davom etmoqda
Bugun Sport vaziri Adkham Ikramov Olimpiya shaharchasida o‘smirlar va kichik o‘smirlar o‘rtasida o‘tkazilayotgan Judo Sport Club Cup xalqaro turniri musobaqalarini kuzatib, yosh sportchilar bilan samimiy muloqot o‘tkazdi.
Ushbu musobaqalarda uchta yosh toifasida jami 2400 nafar ishtirokchi o‘z yosh va vazn toifalarida mahoratlarini namoyish etishmoqda.
Shuningdek, Sport vaziri Yakkakurash sport turlari majmuasidagi Situatsion markazda ham bo‘lib, musobaqalar jarayonini adolatli va shaffof tarzda o‘tkazilishini kuzatdi.
Ushbu musoqabalarda Belarus, Ozarbayjon, Qirg‘iziston, Qozog‘iston, Tojikiston davlatlaridan 60 ta xalqaro klublar ishtirok etmoqda.
Shiddatli musobaqalar 6-martga qadar davom etadi.
