Ogʻir atletikachilarimiz Osiyo chempionatini 12 ta medal bilan yakunlashdi

Xitoyning Jiangshan shahrida ogʻir atletika boʻyicha Osiyo chempionati oʻz yakunida yetdi. Musobaqaning soʻnggi kunida eng ogʻir vazn toifalaridagi bellashuvlar tashkil etildi.

+109 kg vazn toifasida kechgan bahslarda hamyurtimiz Amir Abdullayev dast koʻtarish mashqida 182 kg natija qayd etib, bronza medaliga sazovor boʻldi.

Shu tariqa, terma jamoamizning mazkur musobaqada jamgʻargan medallari 3 ta oltin, 3 ta kumush va 6 ta bronzaga yetdi. Ahamiyatlisi, ushbu natija bilan atletlarimiz umumjamoa hisobida toʻrtinchi oʻrinni egallashdi.

Nasrullo Karimov

Jurnalist