Og'ir atletika. Yoshlarimiz ham Chirchiqda reja asosida mashg‘ulotlarni davom ettirmoqda
Bahrom Abdumalikov boshchiligidagi O‘zbekiston yoshlar terma jamoasi a’zolari ayni kunlarda Chirchiq shahrida o‘quv-yig‘in mashg‘ulotlarini olib bormoqda. Reja asosida tashkil etilgan ushbu mashg‘ulotlar jarayonida sportchilarning jismoniy va texnik tayyorgarligini yanada oshirishga alohida e’tibor qaratilmoqda.
Yoshlar terma jamoasini joriy yilda bir qator muhim xalqaro musobaqalar kutmoqda. Xususan, 2–8-may kunlari Misrning Ismoiliya shahrida yoshlar o‘rtasidagi jahon chempionati bo‘lib o‘tadi. Shuningdek, 7-avgustdan 14-avgustgacha poytaxtimiz Toshkent shahri yoshlar o‘rtasidagi Osiyo chempionatiga mezbonlik qiladi.
Ayni paytda olib borilayotgan o‘quv-yig‘in mashg‘ulotlari mazkur nufuzli musobaqalar oldidan muhim tayyorgarlik bosqichi bo‘lib, yoshlarimizning xalqaro maydondagi munosib ishtirokini ta’minlashga xizmat qiladi.
