Og'ir atletika. Yevropa chempionati–2026: ikkinchi kun g‘oliblari aniqlandi, Batumida yana bir yangi rekord qayd etildi
Gruziyaning Batumi shahrida o‘tayotgan kattalar o‘rtasidagi Yevropa chempionatining ikkinchi kuni ham ortda qoldi. Musobaqaning ushbu kunida erkaklar o‘rtasida -60 kg va -65 kg, ayollar o‘rtasida esa -58 kg vazn toifalarida g‘olib va sovrindorlar aniqlandi.
-60 kg vazn toifasi natijalari:
1-o'rin. Angel Rusev (Bolgariya) — 275 kg (155+120)
2-o'rin. Garik Cholakyan (Armaniston) — 274 kg (150+124)
3-o'rin. Yigit Erdogan (Turkiya) — 269 kg (148+121)
-65 kg vazn toifasi natijalari:
1-o'rin. Muhammed Ozbek (Turkiya) — 323 kg (180+143)
2-o'rin. Ivan Dimov (Bolgariya) — 317 kg (172+145)
3-o'rin. Ferdi Hardal (Turkiya) — 293 kg (158+135)
Kutilganidek, -65 kg vazn toifasida amaldagi jahon chempioni, Turkiya vakili Muhammed Ozbek Furkan siltab ko‘tarishdagi yuqori natijasi evaziga umumiy hisobda navbatdagi Yevropa chempionligi oltin medalini qo‘lga kiritdi. U siltab ko‘tarishda 180 kg natija qayd etib, yangi Yevropa rekordini o‘rnatdi.
-58 kg vazn toifasi natijalari:
1-o'rin. Kamila Konotop (Ukraina) — 221 kg (121+100)
2-o'rin. Aleksandra Grigoryan (Armaniston) — 210 kg (119+91)
3-o'rin. Olga Te (AIN) — 209 kg (116+93)
Umumiy hisobda medallar jamg‘arish bo‘yicha Bolgariya 1 ta oltin, 1 ta kumush va 1 ta bronza medalini qo‘lga kiritib, musobaqa jadvalida yetakchilik qilmoqda. Ukraina terma jamoasi esa 1 ta oltin va 1 ta kumush medal bilan ikkinchi o‘rinni egallab turibdi. 1 ta oltin va 3 ta bronza medalini qo‘lga kiritgan Turkiya esa kuchli uchlikni yakunlagan. Musobaqalar davom etadi.
