Nursulton Roʻziboyev: Keyingi hafta uchun tayyorman

Boshqa sport turlari 10 may 2025 da 01:01

Bakradze Iman

Redaktor

UFC jangchisi, oʻzbekistonlik MMA sportchisi Nursulton Roʻziboyev oʻzining Instagram sahifasida yangi suratni eʼlon qildi.

Unda Roʻziboyev amerikalik raqibi Dastin Stoltzfusga qarshi 17 may kuni Las-Vegasda boʻlib oʻtadigan UFC Fight Night turniriga tayyorgarlik koʻrayotgani koʻrinadi. Suratda Roʻziboyev bilan birga boshqa oʻzbekistonlik sportchilar — Firdavs Hasanov va Bobir Tagiyev ham aks etgan.

“Men keyingi hafta uchun tayyorman. In Sha Alloh”, — deb yozdi Nursulton izohda.