Namanganda velosiped kuryerari uchun yo'l harakati xavfsizligi bo'yicha o'quvlarni davom ettirilmoqda
2025-yil 12-iyun kuni Namangan shahrida FIA Helmet Wearing Programme doirasida navbatdagi oʻquv treningi boʻlib oʻtdi. Oʻzbekiston Avtomobil va Mototsikl Federatsiyasi (NAFKU) Xalqaro Avtomobil Federatsiyasi (FIA), Xavfsiz va Barqaror Transport boʻyicha Sharqiy Alyans (EASST) bilan hamkorlikda, shuningdek, Uzum Tezkor kompaniyasi koʻmagida velosiped kuryerlari uchun yoʻl harakati xavfsizligi boʻyicha oʻquv seminarlarini amalga oshirishni davom ettirmoqda.
Seminarning asosiy maqsadi velosiped kuryerlarining yoʻllarda xavfsiz harakatlanish boʻyicha xabardorligini oshirishdan iborat boʻldi. Ishtirokchilarga velosipedchilar uchun yoʻl harakati qoidalarining asosiy qoidalari eslatildi, ayniqsa qorongʻu vaqtda harakatlanishda sertifikatlangan shlemlar va yorugʻlik qaytaruvchi elementlar kiyishning muhimligi taʼkidlandi.
NAFKU ekspertlari kuryerlar kundalik duch keladigan amaliy yoʻl vaziyatlarini ham tahlil qildilar. Ishtirokchilar savollar berib, murakkab yoʻl sharoitlarida harakatlanish boʻyicha professional tavsiyalar oldilar.
Tadbir yakunida barcha ishtirokchilarga velosiped shlemlari va yorugʻlik qaytaruvchi jiletlar – yoʻl harakati ishtirokchilarining eng zaif toifalaridan biri uchun xavflarni kamaytirishga yordam beradigan majburiy jihoz elementlari topshirildi.
Namangan kuryerlarni oʻqitish loyihasi doirasidagi navbatdagi shahar boʻldi. Avvalroq shunga oʻxshash seminarlar Toshkent va Samarqandda boʻlib oʻtgan edi. Oʻquv treninglarini oʻtkazish davom ettiriladi.
Maqolalar
Kecha da 10:33
Futbol
10 iyl 2025
Futbol
10 iyl 2025