Milliy gvardiya va Oʻzbekiston Kamondan otish federatsiyasi yoshlar orasida sportni rivojlantirish boʻyicha tizimli ishlarni davom ettirmoqda
Kamondan otish sport turini keng targʻib qilish va oʻsib kelayotgan avlod orasida sogʻlom turmush tarzini ommalashtirish maqsadida respublika boʻylab muntazam ravishda mahorat darslari, ochiq darslar va amaliy mashgʻulotlar oʻtkazilmoqda. Ushbu ishlar Milliy gvardiya va Kamondan otish federatsiyasining yaqin hamkorligida amalga oshirilmoqda.
Shu nuqtayi nazardan Andijon, Xorazm va Jizzax viloyatlarida yoshlar, jumladan maktab oʻquvchilari uchun kamondan otish boʻyicha maxsus mashgʻulotlar tashkil etildi. Tajribali instruktorlar ishtirokchilarni ushbu sport turining tarixi va qoidalari, nishon olish va otish texnikasi, uskunalardan xavfsiz foydalanish xususiyatlari bilan batafsil tanishtirdilar hamda dastlabki koʻnikmalarni rivojlantirishga qaratilgan amaliy mashqlar oʻtkazdilar.
vKamondan otish bilan shugʻullanuvchilar sonining ortishi milliy sport anʼanalarini yanada rivojlantirishga va mamlakatning sport salohiyatini mustahkamlashga xizmat qiladi.
