«Mercedes» 2026 yilgi mavsum uchun poyga liboslarini taqdim etdi

Formula-1’ning «Mercedes» jamoasi 2026 yilgi mavsumda jamoa pilotlari Jorj Rassell va Andrea Kimi Antonelli foydalanadigan yangi poyga kombinezonlarini taqdim etdi.

Eslatib o‘tamiz, yangi bolidning renderlari 22 yanvar kuni namoyish etiladi, avtomobilning rasmiy taqdimoti esa 2 fevral sanasiga belgilangan.

Formula-1 jamoalarining 2026 yilgi taqdimotlar jadvali

• 19 yanvar — «Haas» (livreya)
• 20 yanvar — «Audi» (livreya)
• 23 yanvar — «Alpine» (livreya), «Ferrari»
• 2 fevral — «Mercedes»
• 3 fevral — «Williams»
• 8 fevral — «Cadillac»
• 9 fevral — «Aston Martin», «McLaren»

O‘tgan Formula-1 mavsumi yakunlariga ko‘ra, «Mercedes» Konstruktorlar kubogida 469 ochko bilan ikkinchi o‘rinni egallagan.

Nasrullo Karimov

Jurnalist