Jonni Uokerning ukasi Uolter Uoker Bogdan Guskovning jangi haqida fikr bildirdi

Boshqa sport turlari 09 iyn 2025 da 08:09

Bakradze Iman

Redaktor

Braziliyalik MMA jangchisi Uolter Uoker — hamyurtimiz Bogdan Guskovning do‘sti va jamoadoshi — uning navbatdagi jangi haqida fikr bildirdi. Uning taʼkidlashicha, Guskov 26 iyul kuni Abu-Dabida ukrainalik Nikita Krilovga qarshi o‘tadigan to‘qnashuvda o‘z ustunligini namoyon etadi.

“Menimcha, Bogdan birinchi raunddayoq raqibini nokaut qiladi. Biz doim bir-birimizni qo‘llab-quvvatlaymiz. Abu-Dabida bo‘lib o‘tadigan jangida men uning burchagida bo‘laman”, — dedi Uolter Uoker.

Jang BAA poytaxti Abu-Dabida bo‘lib o‘tadi.