Islombek Ismoilov: «Kuchli tarkibingiz borligi har qanday raqibni mag'lub eta olasiz degani emas»
Superliga 15-turining markaziy o‘yini "Dinamo" va "Neftchi" jamoalari o‘rtasidagi bellashuv durang (0:0) natija bilan yakunlangach, uchrashuvdan so‘ng dastlab Farg‘ona klubi bosh murabbiyi Islombek Ismoilov matbuot anjumanida jurnalistlar savollariga javob berdi.
- Ikkala jamoa ham hujumkor o‘yin namoyish etishini hamma biladi. Har ikki tomonda ham hujumlar va golli vaziyatlar yetarli bo‘ldi, faqat o‘yinga gol yetishmadi. Xatolarni tahlil qilamiz.
“Neftchi”ning kuchli tarkibi bugun samara bermadimi? “Dinamo” tarkibini ham yomon demagan bo‘lardim. Tajribali Bahodir Nasimovni aytmasak, qolgan hujumkor futbolchilari yosh va hali o‘sishga muhtoj yigitlar. Firdavs Abdurahmonov, Oybek Urmonjonov, Behruzbek Obloqulov shular jumlasidan. Qolaversa, Anvarjon Hojimirzayev ham ayni paytda o‘zining eng yaxshi davrini o‘tkazmoqda. Ha, bu yigitlar hali uncha tanilmagan, biroq "Dinamo"ning yoshlari bu yoshda O‘zbekistondagi eng yaxshilaridan hisoblanadi. Ha, biz bugun g‘alaba qozona olmadik, biroq kuchli tarkibingiz borligi har qanday raqibni mag‘lub eta olasiz degani emas. Buni JCHda Ispaniya Kabo-Verdeni mag‘lub eta olmagani misolida ko‘rish mumkin. Chempion sifatida harakat qilish, turnir jadvalida yuqorida turish oson emas. Bugun "Dinamo"da yo‘qotadigan narsa yo‘q edi, ular yomon o‘ynamadi. “Dinamo”da ham bir qancha golli vaziyatlar yuzaga keldi”, – dedi Islombek Ismoilov matbuot anjumanida.
