Islom birdamlik o‘yinlarida futzal taqvimi tasdiqlandi
Noyabr oyining birinchi yarmida jahon sport jamoatchiligining diqqat-e'tibori Saudiya Arabistoni poytaxti Ar-Riyod shahriga qaratiladi. 4-21 noyabr kunlari 23 sport turini o‘zida jamlagan VI Islom birdamlik o‘yinlari muxlislarga unutilmas lahzalarni taqdim etadi.
Kecha Islom Birdamligi O‘yinlarini ochib beruvchi futzal musobaqasi taqvimi tasdiqlandi. Unga ko‘ra jamoalar 2 noyabr sanasida Ar Riyod shahriga etib kelib, mashg‘ulotlarga kirishishi mumkin. O‘sha kuni jamoa rasmiylari ishtirokida yig‘ilish ham bo‘lib o‘tadi. Guruh bosqichi bahslari 4 noyabrda start oladi. Ikkinchi va uchinchi tur uchrashuvlari 6-8 noyabr kunlariga rejalashtirilgan.
Guruhlarda birinchi va ikkinchi o‘rinlarni egallagan jamoalar 9 noyabr kuni yarim finalda kuch sinashadi. 11 noyabrda 3-o‘rin uchun bahs hamda final o‘yini bo‘lib o‘tadi.
Quyida O‘zbekiston milliy terma jamoasi o‘yinlari taqvimi bilan tanishing:
1-tur. 04.11.2025-yil, soat 19:00 – 21:30. Saudiya Arabistoni – O‘zbekiston
2-tur. 06.11.2025-yil, soat 16:00 – 18:30. O‘zbekiston – Ozarbayjon
3-tur. 08.11.2025-yil, soat 16:00 – 18:30. O‘zbekiston – Liviya
