Futzal. Bugungi raqibimiz Yaponiya haqida
Yaponiya qit'amizning bayroqdor futzal terma jamoalaridan biri hisoblanadi. Quyosh chiqadigan mamlakat futzalchilari to'rt bor Osiyo kubogini boshi uzra baland ko'tarishga erishgan. Bundan tashqari, jamoa 6 marta kumush va 2 marta bronza medallariga sazovor bo'lgan.
Yaponiyada futzalga XX asrning 80-yillarida tamal toshi qo'yilgan. Mamlakat milliy terma jamoasi ilk rasmiy uchrashuvini 1989 yilda Belgiya termasiga qarshi o'tkazib, 0:3 hisobida mag'lub bo'lgan.
Qiziqarli faktlar:
- Eng yirik g'alaba: 2005 yil, Guam — 18:0
- Eng yirik mag'lubiyat: 2002 yil, Ispaniya — 0:16
- Jahon chempionati: 5 marta final bosqichida ishtirok etgan
- Eng yaxshi natija: nimchorak final (2012, 2021)
Osiyo kubogi:
- Ishtirok: uzluksiz (17 marta)
- Eng yaxshi natija: chempion (2006, 2012, 2016, 2022)
- O'yinlar: 101 ta
- Natijalar: 74 g'alaba | 7 durang | 20 mag'lubiyat
- To'plar nisbati: 477–195
O‘zbekiston - Yaponiya
Osiyo chempionatlari final bosqichlarida jamoalar o'rtasida 7 ta uchrashuv bo'lib o'tgan:
5 g'alaba — Yaponiya, 1 g'alaba — O‘zbekiston, 1 durang.
Osiyo kubogidagi o‘zaro o‘yinlar:
- 1999 — Yaponiya 5:5 O‘zbekiston (guruh bosqichi)
- 2002 — Yaponiya 1:0 O‘zbekiston (chorak final)
- 2004 — Yaponiya 4:2 O‘zbekiston (yarim final)
- 2006 — Yaponiya 5:1 O‘zbekiston (final)
- 2014 — Yaponiya 1:2 O‘zbekiston (guruh bosqichi)
- 2018 — Yaponiya 4:2 O‘zbekiston (guruh bosqichi)
- 2022 — Yaponiya 2:1 O‘zbekiston (yarim final)
Navbatdagi bahs jamoalarning qit'a chempionatlari doirasidagi sakkizinchi to'qnashuvi bo'ladi.
