Formula-1 tarixida safety car ilk bor qachon paydo bo'lgan?
1973-yil 23-sentabr kuni Kanada Gran-prisida chempionat tarixida ilk bor poyga vaqtida xavfsizlik avtomobili — Safety Car qo‘llanilgan.
Bu vazifani Porsche 914 bajargan va u avariyadan so‘ng trassaga chiqqan.
Bugungi kunda Safety Car — Formula-1 poygalarining odatiy qismi. U jiddiy hodisalardan keyin trassaga chiqadi, poygachilar xavfsizligini ta’minlashga yordam beradi va marshallarga trassada xavfsiz ishlash imkonini yaratadi.
Ammo 1973-yilda bu mutlaqo yangi tajriba edi: xavfsizlik avtomobilining paydo bo‘lishi katta yangilik bo‘lgan, poyga yakunida esa natijalarni aniqlash jarayonida jiddiy chalkashliklar yuzaga kelgan.
Bugun avtosportning ajralmas qismi sifatida qabul qilinadigan ko‘plab yechimlar ham bir paytlar tajriba sifatida boshlangan.
Formula-1 tarixidagi Safety Car hikoyasi aynan shunday boshlangan.
