FIDE Jamoaviy Blits Jahon chempionati-2026 yakunlandi: O'zbekiston bronza medali sohibi
Gonkongda bo'lib o'tgan blits bo'yicha jamoaviy Jahon chempionati o'z nihoyasiga yetdi. Turnir yakunlariga ko'ra g'olib va sovrindorlar nomi ma'lum bo'ldi:
1-o'rin: Dragon Chilling jamoasi turnir g'olibiga aylanib, oltin medallar va 75 000 yevro miqdoridagi bosh mukofotni qo'lga kiritdi.
2-o'rin: Endgame AI jamoasi kumush medallarga ega chiqdi. Jamoaning yutug'i 50 000 yevroni tashkil etdi.
3-o'rin: O'zbekiston! Vakillarimiz musobaqaning bronza medallariga sazovor bo'lishdi. Hal qiluvchi tay-brek bahsida hamyurtlarimiz ishonchli o'yin ko'rsatib, 5.5 : 0.5 hisobida yirik g'alabani qo'lga kiritishdi. Ushbu natija evaziga jamoamiz 30 000 yevro pul mukofoti bilan taqdirlandi.
Shaxmatchilarimizni ushbu yutuq bilan tabriklaymiz va kelgusi musobaqalarda omad tilaymiz!