Evan Mobley MBAning eng yaxshi himoyachisi unvoni uchun 45 million dollar mukofot oladi

Boshqa sport turlari 26 apr 2025 da 02:04

«Klivlend Kavalers» klubi hujumchisi Evan Mobley shaxsiy sovrini orqali daromadini ancha oshiradi. 2024/25 yilgi MBAning muntazam mavsumi yakunlari bo‘yicha u «Yilning eng yaxshi himoyachisi» (DPOY) deb topildi. Klub bilan tuzilgan shartnomasiga ko‘ra, ushbu unvon Mobleyga 45 million dollarlik bonusni kafolatlaydi. Bu haqda ishonchli insayder Bobbi Marks xabar berdi.

2024 yil yozida Evan Mobley «Kavalers» bilan besh yillik, 224 million dollarlik shartnoma imzolagandi. Bu - yangi kelgan o‘yinchilar uchun eng yuqori toifali shartnomaning uzaytirilgan varianti edi. Endilikda, bonus shartlari tufayli umumiy summa 269 million dollargacha oshib ketadi.

22 yoshli basketbolchi uchun bu mavsum jiddiy siniq nuqtasiga aylandi. U nafaqat jamoaning yetakchilaridan biri sifatida o‘zini ko‘rsata oldi, balki himoyada yetarlicha pishgan va samarali o‘yin namoyon qildi. Mobley har o‘yinda o‘rtacha 18,5 ochko, 9,3 ribaunt, 3,2 assist, 1,6 blok va 0,9 to‘pni egallash bilan ajralib turdi. Uning barqarorligi va himoyadagi ko‘p vazifaliligi ushbu nufuzli sovrinni qo‘lga kiritishda hal qiluvchi omil bo‘ldi.

Mashhur yangiliklar