Dzyudo. Asosiy musobaqalar sarhisobi: medallar jamg‘arish bo‘yicha hududlar reytingi shakllantirildi
2025 yilda o‘tkazilgan O‘zbekiston chempionati va Prezident Olimpiadasi yakunlariga ko‘ra, hududlar sportchilari tomonidan qo‘lga kiritilgan medallar sarhisob qilindi.
Mavsumning oltita asosiy musobaqasi natijalariga ko‘ra, O‘zbekiston dzyudo federatsiyasi hududlarining medallar jamlanmasi bo‘yicha reytingi shakllantirildi.
Yil yakunlariga ko‘ra, Xorazm viloyati qo‘lga kiritilgan medallarning umumiy soni va sifati bo‘yicha 1-o‘rinni egallab, reytingning mutlaq yetakchisiga aylandi. Ushbu reyting tahliliy vosita bo‘lib, hududlarning ishini xolisona baholash, raqobat muhitini yaxshilash va O‘zbekistonda dzyudoni yanada rivojlantirishni rejalashtirish uchun xizmat qiladi.
Reytingga quyidagi musobaqalar natijalari kiritilgan: U23 O‘zbekiston chempionati (Chirchiq), kadetlar o‘rtasidagi O‘zbekiston chempionati (Andijon), kattalar o‘rtasidagi O‘zbekiston chempionati (Buxoro), Prezident Olimpiadasi (Toshkent), o‘smirlar o‘rtasidagi O‘zbekiston chempionati (Qarshi), kichik kadetlar o‘rtasidagi O‘zbekiston chempionati (Qarshi).
