Dakr. Bangladeshning Dakka shahrida bo‘lib o‘tgan 24-Osiyo chempionatida yurtimiz kamonchilari tarixiy yutuqqa erishdilar
Bangladeshning Dakka shahrida bo‘lib o‘tgan 24-Osiyo chempionatida yurtimiz kamonchilari tarixiy yutuqqa erishdilar
Aralash juftlik bahslarida Parij Olimpiadasi ishtirokchilari — Amirxon Sodiqov va Ziyoda Abdusattorova ajoyib natija qayd etdilar. Ular keskin kechgan yarim finalda amaldagi Parij-2024 Olimpiya chempionlari — Janubiy Koreya jamoasini mag‘lub etdilar.
Musobaqaning yana bir tarixiy onlari erkaklar terma jamoasiga nasib etdi — ular ilk bor bronza medalini qo‘lga kiritdilar. Uchinchi o‘rin uchun kechgan bahsda vakillarimiz qat’iyat va ishonch bilan Qozog‘iston jamoasini mag‘lub etdilar.
Dakkadagi muvaffaqiyatlar terma jamoamiz uchun muhim bosqich bo‘lib, sportchilarimizga 2028-yilda Los-Anjelesda bo'lib o‘tadigan Olimpiya o‘yinlari uchun zarur reyting ochkolarini taqdim etdi.
