Chernogoriyada yorqin g'alaba: Yoshlar terma jamoamiz Yevropa Kubogida birinichi o'rinni egalladi
Chernogoriyada yorqin g'alaba: Yoshlar terma jamoamiz Yevropa Kubogida birinichi o'rinni egalladi.
O‘zbekiston yoshlar terma jamoasi xalqaro maydonda yuksak natijalarni qayd etdi. Podgoritsa shahrida bo‘lib o‘tgan nufuzli "Podgorica Junior European Cup 2026" turnirida sportchilarimiz yuksak mahorat va tatamida mutlaq ustunlikni namoyish etdilar.
Musobaqada o‘ynalgan 56 ta medalning 21 tasini qo‘lga kiritgan O‘zbekiston terma jamoasi rekord natijani qayd etdi — bu umumiy sovrinlar jamg‘armasining naq 37,5 foizini tashkil etdi! 23 ta kuchli terma jamoani ortda qoldirgan O‘zbekiston umumjamoa hisobida mutlaq BIRINCHI O‘RINNI egalladi!
O‘zbekiston terma jamoasining natijalari:
Oltin medallar:
• Asadbek Misirov (-66 kg) — turnir jadvalidagi barcha raqiblarini ishonchli tarzda mag‘lub etdi.
• Inoyat Telmanov (-73 kg) — har bir bellashuvda taktik mahorat darsini ko‘rsatdi.
• Fazliddin Rafiqov (+100 kg) — superog‘ir vazn toifasida katta üstünlük bilan g‘oliblikni qo‘lga kiritdi.
• Zarina Jamolova (-48 kg) — chaqmoqdek tez va texnik g‘alabaga erishdi.
• Nargiza Do‘stmamatova (-52 kg) — temir iroda ko‘rsatib, final bahsida g‘alaba qozondi.
Kumush medallar:
• Muhriddin Marufov (-73 kg) — sof o‘zbekcha finalda chiroyli kurash namoyish etdi.
• Behruzbek Rustamboev (-90 kg)
• Rayhona Mamatova (-57 kg)
• Shoira Aminova (-78 kg)
• Zarina Bobonazarova (+78 kg)
Bronza medallar:
• Arapbay Daurbaev (-60 kg), Dilshod Karimov (-60 kg), Amirxon Nizomiddinov (-66 kg), Izzatbek Ro‘zimatov (-66 kg), Javlon Qo‘ldoshboev (-73 kg), Sanjar Ashurov (-73 kg), Kamron Qodirov (-81 kg), Muhammadobid Mahmarayimov (-100 kg), Nigina Umirzoqova (-52 kg), Nigina Saparboeva (-70 kg), Durdona Tursunova (-70 kg).
Turnirda dunyoning 24 davlatidan 220 dan ortiq kuchli atletlar ishtirok etdi, ammo "Verde Hall" arenasida O‘zbekiston davlat madhiyasi boshqalardan ko‘ra ko‘proq yangradi.
