“Barkamol avlod” sport musobaqalarining Respublika final bosqichi yakunlandi
Joriy yilning 13–15-yanvar kunlari Farg‘ona viloyati, Qo‘qon shahrida kasbiy ta’lim muassasalari o‘quvchilari o‘rtasida “Barkamol avlod” sport musobaqalarining Belbog'li kurash sport turi bo'yicha Respublika final bosqichi bo‘lib o‘tdi. Mazkur nufuzli musobaqalarga Farg‘ona viloyati mezbonlik qildi.
Musobaqalar yakuniga ko‘ra, 9 ta vazn toifasida ishtirok etgan Farg‘ona viloyati terma jamoasi jami 8 ta medalni qo‘lga kiritdi. Jumladan, 4 ta oltin va 3 ta kumush hamda 1 ta bronza medallar bilan umumjamoa hisobida faxrli 1-o‘rinni egalladi.
Ushbu yuksak natijalar yosh sportchilarning puxta tayyorgarligi, murabbiylarning samarali mehnati hamda viloyatda sportni rivojlantirish borasida olib borilayotgan tizimli ishlarning yaqqol samarasi hisoblanadi.
