Azizjon Kamilov IJF Ijroiya qo‘mitasi a’zoligi hamda IJF ta’lim direktori lavozimiga saylandi

Boshqa sport turlari 11 iyn 2025 da 16:01

Ibrohim Jalolov

Redaktor

O‘zbekiston dzyudo federatsiyasi raisi Budapesht shahrida o`tgan Xalqaro dzyudo federatsiyasi Kongressida tashkilotning Oliy boshqaruv organi — IJF Ijroiya qo‘mitasi a’zoligi hamda IJF ta’lim direktori (IJF Education Director) lavozimlariga saylandi.

Azizjon Kamilov bundan buyon Xalqaro dzyudo federatsiyasining ta’lim yo‘nalishidagi islohoti, ya’ni murabbiylar, hakamlar, ma’muriy tizim mutaxassislarini tayyorlashga, kadrlar masalasini hal etishga e’tiborini qaratadi.

Shuningdek, Azizjon Yakubjanovich IJF prezidenti Marius Vizer bilan yelkama-yelka dzyudoning olimpiya sport turlari oilasidagi mavqeyini yanada mustahkamlash yo‘lida ish olib boradi.