Aytjan Xalmaxanov 24 yillik tanaffusdan keyin yunon-rum kurashi bo‘yicha jahon chempioni bo‘lgan ilk o‘zbekistonlik sportchi
Xorvatiyaning Zagreb shahrida o‘tayotgan sport kurashlari bo‘yicha jahon chempionatidan xushxabar. Yunon-rum kurashi bo‘yicha O‘zbekiston terma jamoasi a’zosi Aytjan Xalmaxanov oltin medalni qo‘lga kiritdi.
-63 kg vazn toifasida bahs olib borgan hamyurtimiz hal qiluvchi bellashuvda Janubiy Koreyalik Chung Han-Jaeni mag‘lubiyatga uchratishga erishdi.
Bu so‘nggi 24 yil ichida yunon-rum kurashi bo‘yicha dunyo birinchiligida o‘zbekistonlik atletlarning qo‘lga kiritgan dastlabki oltin medali bo‘ldi. Barakalla, Aytjan!
Shu tariqa, O‘zbekiston terma jamoasi mazkur musobaqada 1 ta oltin, 1 ta kumush va 3 ta bronza medallarini jamg‘arishga erishdi.
Oltin medal:
-63 kg: Aytjan Xalmaxanov (yunon-rum kurashi)
Kumush medal:
-60 kg: Alisher G‘aniyev (yunon-rum kurashi)
Bronza medal:
-57 kg: G‘ulomjon Abdullayev (erkin kurash)
-65 kg: Umidjon Jalolov (erkin kurash)
-72 kg: Abdullo Aliyev (yunon-rum kurashi)
