Asia Rugby Prezidenti Buyuk Britaniyadagi O‘zbekiston Elchisi va O'zRF Bosh kotibi Kahramon Jalilov bilan uchrashdi
Asia Rugby Prezidenti Buyuk Britaniyadagi O‘zbekiston Elchisi va O'zRF Bosh kotibi Kahramon Jalilov bilan uchrashdi: Markaziy Osiyoda regbini rivojlantirish istiqbollari muhokama qilindi
Asia Rugby Prezidenti va World Rugby Kengashi a’zosi Qays Al Dhalai, shuningdek UAE Rugby vitse-prezidenti va Arab Rugby prezidenti sifatida, xalqaro regbi tashkilotlari va O‘zbekiston o‘rtasidagi hamkorlikning mustahkamlanayotganini ta’kidladi.
London shahrida Qays Al Dhalai Buyuk Britaniyadagi O‘zbekiston Respublikasi Elchisi Janobi Oliylari Ravshan Usmanov va O‘zbekiston Regbi Federatsiyasi bosh kotibi Kahramon Jalilov bilan uchrashuv o‘tkazdi.
Tomonlar sport diplomatiyasi roli va Markaziy Osiyoda regbini rivojlantirish istiqbollarini muhokama qilib, O‘zbekiston mintaqadagi eng jadal rivojlanayotgan regbi davlatlaridan biriga aylanayotganini qayd etdilar.
O‘zbekiston Osiyo regbisining elitasi sari ko‘tarilmoqda — erkaklar milliy regbi-7 terma jamoasi sezilarli natijalarga erishmoqda:
2024 yilda jamoa yuqori divizionga ko‘tarilib, ilk bor Osiyoning eng yuqori darajadagi turniri — Asia Rugby Emirates Sevens 2025 seriyasida Xanchjou (Xitoy) va Kolombo (Shri-Lanka) shaharlarida ishtirok etadi.
Ayollar va yoshlar regbisi — rivojlanish markazida. O‘zbekiston Regbi Federatsiyasi faol ravishda ayollar va o‘smirlar dasturlarini rivojlantirmoqda:
jamoalar Asia Rugby Emirates U18 Sevens musobaqasida Xuh-Xoto (Xitoy), shuningdek Asia Rugby Emirates U20 Sevens musobaqasida Bixar (Hindiston) shaharlarida ishtirok etdilar.
“O‘zbekistonda regbi jadal sur’atlarda rivojlanmoqda. Biz mamlakatning Markaziy Osiyoda yangi mintaqaviy yetakchi bo‘lish salohiyatini juda yuqori baholaymiz”, — dedi Qays Al Dhalai.
O‘zbekiston Regbi Federatsiyasi Asia Rugby va Buyuk Britaniyadagi O‘zbekiston Respublikasi Elchixonasiga ko‘rsatilgan yordam uchun minnatdorchilik bildiradi va xalqaro hamkorlikni yanada kengaytirishga tayyorligini ma’lum qiladi.
