Andijon jamoasi O‘zbekiston chempionatida umumjamoa hisobida g‘oliblikni qo‘lga kiritdi

12–14 mart kunlari Toshkent shahrida zamonaviy beshkurash bo‘yicha kattalar o‘rtasida O‘zbekiston chempionati bo‘lib o‘tdi. Musobaqada Respublikaning turli hududlaridan eng kuchli sportchilar ishtirok etdi.

Musobaqa yakunlariga ko‘ra, Andijon shahar 2-sonli sport maktabi jamoasi muvaffaqiyatli ishtirok etib, 3 ta oltin, 3 ta kumush hamda 1 ta bronza medalini qo‘lga kiritdi. Mazkur natijalar jamoaga umumjamoa hisobida faxrli 1-o‘rinni egallash imkonini berdi.

Andijonlik sportchilarning ushbu yutug‘i viloyatda zamonaviy beshkurash sport turini rivojlantirish, yosh sportchilarni qo‘llab-quvvatlash va ularni yuqori natijalarga ruhlantirish borasida olib borilayotgan tizimli ishlarning samarasi ekanini yana bir bor namoyon etdi.

Roziqjon Sultonmurodov

Jurnalist