Aleksandr Usik Tayson Fyuri bilan uchinchi jangga tayyor: muammo yo‘q, men tayyorman

Boshqa sport turlari 02 may 2025 da 07:44

Bakradze Iman

Redaktor

WBC, WBA, IBO, The Ring va WBO versiyalari bo‘yicha super og‘ir vazn toifasida jahon chempioni, mag‘lubiyatsiz ukrainalik Aleksandr Usik sobiq raqibi — Britaniya chempioni Tayson Fyuri bilan uchinchi jang haqidagi chaqiruvga javob berdi.

«Agar Tayson Fyuri faoliyatini qayta tiklasa, ehtimol, yana bir jang o‘tkazamiz. Muammo yo‘q, men tayyorman — “Uembli”da ham, “Old Trafford”da ham», — dedi Usik talkSPORT nashriga bergan intervyusida.

Eslatib o‘tamiz, Usik va Fyuri ikki marta ringda to‘qnash kelishgan. Birinchi jang 18-may kuni bo‘lib o‘tgan va unda Usik hakamlar qarorining ko‘pchilik ovozi bilan g‘alaba qozongan. Qayta jang 22-dekabrda bo‘lib o‘tdi va bu safar ukrainalik yakdil qaror bilan g‘olib bo‘ldi.