15 aprel kuni Sambo boʻyicha Osiyo va Okeaniya chempionatida 16 ta medal egasi aniqlanadi. Shou-marosim ham boʻlib oʻtadi
14 apreldan boshlab Toshkentda, Oʻzbekiston poytaxtida, Sambo boʻyicha Osiyo va Okeaniya chempionati start oldi. 15 aprel kuni musobaqaning ikkinchi kuni boʻlib oʻtadi. Shuningdek, rasmiy ochilish marosimi ham tashkil etiladi. Ushbu kuni quyidagi 16 yoʻnalish boʻyicha gʻoliblar va sovrindorlar aniqlanadi:
Sambo, erkaklar: −79 kg, −88 kg, −98 kg, +98 kg
Sambo, ayollar: −65 kg, −72 kg, −80 kg, +80 kg
Jangovor sambo, erkaklar: −58 kg, −64 kg, −71 kg, −79 kg
Jangovor sambo, ayollar: −50 kg, −54 kg, −59 kg, −65 kg
Musobaqaning birinchi kunida Oʻzbekiston terma jamoasi 22 ta medalga ega chiqdi: 14 ta oltin, 5 ta kumush va 3 ta bronza. Saralash janglari “Yunusobod” sport majmuasida oʻtkazilmoqda. Ochilish marosimi Toshkent vaqti bilan soat 16:00 da boshlanadi, undan soʻng soat 17:00 da final janglari start oladi.
