10 yoshli dog‘istonlik bola kurash mashg‘ulotidan so‘ng vafot etdi
Dog‘istonda 10 yoshli bola erkin kurash mashg‘uloti paytida o‘zini yomon his qilib, oradan ko‘p o‘tmay vafot etdi. Bu haqda Mash Gor telegram-kanali xabar berdi.
Islomdin ismli bola mashg‘ulot vaqtida ko‘kragida og‘riq sezganini aytgan. Shundan so‘ng uni tezda Maxachqaladagi shifoxonaga olib borishgan. Afsuski, shifokorlar uning hayotini saqlab qolishga ulgurishmadi — bola yurak urishining to‘xtashi oqibatida vafot etdi. Ma’lum bo‘lishicha, Islomdin og‘ir kasallikka chalingan bo‘lgan, ammo bu haqida hech kim bilmagan.
Eslatib o‘tamiz, bundan avval Rossiya erkin kurash terma jamoasining bosh murabbiyi Xajimurat Gatsalov doping qoidalarini buzishda gumon qilinganligi sababli murabbiylikdan chetlatilgan edi. Gatsalov 2004 yil Afina Olimpiadasi chempioni va besh karra jahon chempioni sifatida tanilgan.
