Stenli Kubogi: 1/4 final juftliklari ma’lum bo‘ldi — ikkinchi bosqich 6 mayda start oladi

Xokkey 05 may 2025 da 08:35

Bakradze Iman

Redaktor

MHL pley-offining birinchi bosqichi dramatik tarzda yakunlandi — "Vinnipeg Jets" jamoasi hal qiluvchi, yettinchi o‘yinda "Sent-Luis Blyuz"ni 4:3 (OT) hisobida mag‘lub etdi. Shu tariqa, Stenli Kubogi uchun kurashda qolgan 8 jamoa aniqlandi.

1/4 final (pley-offning ikkinchi bosqichi) juftliklari quyidagicha shakllandi:
Vashington Kepitalz — Karolina Xarreykeynz
Toronto Meypl Lifs — Florida Panterz
Vegas Golden Nayts — Edmonton Oylers
Dallas Stars — Vinnipeg Jets

Ikkinchi bosqich o‘yinlari 6 may kuni boshlanadi.

Eslatib o‘tamiz, amaldagi chempion — "Florida Panterz". Ular o‘tgan mavsum finalda "Edmonton Oylers"ni 4:3 hisobida yengib, Kubokni qo‘lga kiritgan edi.