O‘zbekiston U18 terma jamoasi jahon chempionati III divizion A guruhida gʻolib boʻldi

Joriy yilning 2-8-mart kunlari Gonkongda oʻtkazilgan xokkey boʻyicha U18 yosh toifasidagi jahon chempionatida jamoamiz 5 ta o‘yinda 5 ta g‘alabani qoʻlga kiritib,
yuqoriroq divizion — IIB ga yo‘llanmaga ega boʻldi.

Hal qiluvchi shiddatli bahslarda O'zbekiston terma jamoasi Isroil jamoasini 6:3 hisobida mag'lub etib, oltin medalni qo'lga kiritdi.

Ishonchli o‘yin, kuchli xarakter va butun jamoaning mehnati munosib natijaga olib keldi.

Gʻoliblikni qoʻlga kiritgan xokkeychilarimizni joriy yilning 10-mart kuni Toshkent xalqaro aeroportida tantanali ravishda kutib olish rejalashtirilmoqda.

Roziqjon Sultonmurodov

Jurnalist