Aleksandr Ovechkin Gretskining rekordini yangiladi va yangi natija o'rnatganidan keyin minnatdorchilik so'zlarini aytti
7-aprel kuni «Vashington Kepitals» va «Nyu-York Aylanders» o'rtasida o'yin bo'lib o'tdi, unda Nyu-York jamoasi 1:4 hisobida g'alaba qozondi. Ovechkin NHL doimiy chempionatlarida 895-shaybasini urgani bilan Ueyn Gretskining rekordini yangiladi.
Shu bilan rossiyalik xokkeychi liganing eng yaxshi to'purariga aylandi. Gretskida 894 gol bor edi. Ovechkin o'yinda o'z jamoasining yagona golini urdi. Bu voqea ikkinchi davrada ro'y berdi, shundan keyin match tantanali marosim uchun to'xtatildi.
Jonli efirda Ovechkin muxlislari, jamoasi va murabbiylariga minnatdorchilik bildirdi: «Mening bolalarim, liga rahbariyati, muxlislarim va murabbiylarsiz men bu yerda bo'lolmasdim va buyuk o'yinchi bilan tenglasha olmasdim. Shunday qilib, katta rahmat. Ilya Sorokinga minnatdorman, menga 895-shaybani urganga yordam bergani uchun, seni sevaman, aka. Va oxirgi so'zlar. Butun dunyodan kelgan muxlislarim… Ruslar, biz buni amalga oshirdik!»
