Zlatan Ibrahimovich Tayson Fyuriga qarshi jang qilishga tayyorligini bildirdi
Shvetsiyalik futbol afsonasi Zlatan Ibrahimovich sobiq og‘ir vazn toifasi jahon chempioni Tayson Fyuriga qarshi boks jangida ishtirok etishga tayyor ekaniga ishora qildi.
Ibrahimovich ijtimoiy tarmoqlarda Fyuri bilan yuzma-yuz tushgan suratini e'lon qilib, "1-avgust. Dublin. Tayyormisan?" mazmunidagi yozuvni qoldirdi. Ushbu post muxlislar orasida katta qiziqish uyg‘otdi va ehtimoliy ko‘rgazmali jang haqidagi taxminlarni kuchaytirdi.
Hozircha na Zlatan, na Tayson Fyuri mazkur jang bo‘yicha rasmiy kelishuv mavjudligini tasdiqlagan. Shu sababli bu jangning haqiqatan ham o‘tkazilishi noma'lumligicha qolmoqda.
Eslatib o‘tamiz, Tayson Fyuri yaqin kunlarda polshalik bokschi Marius Vaxga qarshi ringga chiqadi. Shundan so‘ng britaniyalik bokschining Entoni Joshua bilan uzoq kutilayotgan jang o‘tkazishi rejalashtirilgan.
