Zidan Ferlan Mendini Fransiya terma jamoasining asosiy chap qanot himoyachisiga aylantirmoqchi
Fransiya terma jamoasi bosh murabbiyi Zinedin Zidan himoyachi Ferlan Mendiga yana ishonch bildirish niyatida. Xabarlarga ko‘ra, mutaxassis "Real Madrid" futbolchisini terma jamoaning asosiy chap qanot himoyachisi sifatida ko‘rmoqda.
Manbalarga ko‘ra, Zidan Mendining jismoniy holati to‘liq tiklangach, uni muntazam ravishda asosiy tarkibda maydonga tushirishni rejalashtirmoqda. Murabbiy futbolchining himoyadagi ishonchli o‘yini va tajribasini yuqori baholamoqda.
So‘nggi mavsumda jarohatlar sabab uzoq vaqt maydondan chetda qolgan Mendi yaqinda operatsiyani boshdan kechirdi va tiklanish jarayonini davom ettirmoqda. Shunga qaramay, Zidan uning sog‘ayishidan keyin yana Fransiya terma jamoasining muhim futbolchilaridan biriga aylanishiga ishonmoqda.
Agar himoyachi to‘liq sport formasiga qaytsa, u chap qanotdagi asosiy o‘rin uchun Lukas Din va boshqa nomzodlar bilan raqobat olib boradi. Hozircha bu borada Fransiya futbol federatsiyasi rasmiy bayonot bergani yo‘q.
