Zeedorf — «Korintians» bosh murabbiyi
San-Paulu shahri vakili bilan tuzilgan mehnat shartnomasi 2027-yil oxirigacha amal qiladi.
Фото: Getty Images
Braziliyaning «Korintians» klubi Klarens Zeedorf jamoa bosh murabbiyi etib tayinlanganini rasman e’lon qildi. Bu haqda klub matbuot xizmati xabar berdi.
San-Paulu shahri vakili bilan tuzilgan mehnat shartnomasi 2027-yil oxirigacha amal qiladi.
«Bu chaqiriqni qabul qilish men uchun katta sharaf, shu bilan birga, ulkan mas’uliyat hamdir. Men bor kuchimni berish va har bir to‘p, har bir daqiqa hamda har bir g‘alaba uchun kurashadigan jamoani shakllantirish uchun keldim», — dedi Zeedorf.
Niderlandiyalik mutaxassis avvalroq «Milan», Xitoyning «Shenchjen», Ispaniyaning «Deportivo» klublari hamda Kamerun milliy jamoasida bosh murabbiy sifatida ishlagan.
