«Yuventus» va «Chelsi» «Al-Hilol» futbolchisi uchun kurashadi
Serbiyalik futbolchining Saudiya klubi bilan bitimi 2026 yilda yakuniga yetadi.
ФОТО: Getty images
"Yuventus" va "Chelsi" "Al-Hilol" yarim himoyachisi Sergey Milinkovich-Savichning transferi uchun kurash olib boradi. Bu haqda Corriere dello Sport nashri xabar berdi.
Manbaga ko'ra, futbolchi kelajagi borasida hali bir qarorga kelmagan. Uning vakillari Riyod klubi bilan muzokaralar o'tkazadi.
Serbiyalik futbolchining Saudiya klubi bilan bitimi 2026 yilda yakuniga yetadi.
Eslatib o'tamiz, "Al-Hilol" serb futbolchisini 2023 yilning yozida "Latsio"dan 40 million yevroga sotib olgan edi. Uning hisobida Saudiya Arabistoni klubi safida barcha musobaqalarda 102 ta o'yinda 30 ta gol va 26 ta golli uzatma bor.
Roziqjon Sultonmurodov
Jurnalist