«Yuventus» Spalletti bilan shartnomani 2028 yilga qadar uzaytirdi — manba
Turinning «Yuventus» klubi jamoa bosh murabbiyi Luchano Spalletti bilan amaldagi shartnomani 2028 yilga qadar uzaytiradi.
Mashhur jurnalist Janluka Di Marsioning xabar berishicha, italiyalik mutaxassisning yangi kelishuvga ko‘ra maoshi yiliga 6 million yevroni tashkil etadi.
Spalletti 2025 yilning 30 oktabrida «Yuventus» boshqaruvini qo‘lga olgan edi. Uning qo‘l ostida turinliklar shu vaqtga qadar 31 ta uchrashuv o‘tkazib, 17 ta g‘alaba, 6 ta mag‘lubiyat va 8 ta durang qayd etishdi. 67 yoshli mutaxassisning hozirgi shartnomasi joriy mavsum yakuniga qadar mo‘ljallangan.
Ayni damda «Yuventus» Italiya A Seriyasi turnir jadvalida 57 ochko bilan beshinchi o‘rinni egallab turibdi. Jamoani Chempionlar Ligasi zonasidan bor-yo‘g‘i bir ochko ajratib turibdi.
