\"Yuventus\" Davidga yiliga 6 mln yevro maosh beradi

Futbol 25 iyn 2025 da 12:13

Roziqjon Sultonmurodov

Jurnalist

“Yuventus” klubi “Lill”ning sobiq hujumchisi Jonatan David bilan kelishib oldi. Bu haqda La Gazzetta dello Sport xabar berdi.

Qayd etilishicha, turinliklar 25 yoshli kanadalik forvardga yiliga 6 million yevro maosh beradi. Shuningdek, u “Yuve” safiga kelib qo‘shilgani uchun qo‘shimcha bonus puli ham oladi.

Davidning “Lill” bilan bitimi yakunlandi va u erkin agent sifatida A Seriya klubi safiga borib qo‘shiladi.

O‘tgan mavsumda David Fransiya chempionatida 16ta gol urdi va to‘purarlik jadvalida 4-o‘rinni egalladi. Klub safida barcha musobaqalarda esa 25ta gol urishga muvaffaq bo‘ldi.