Yevropa Ligasi: 2-may kuni yarim final uchrashuvlari start oladi
1-maydan 2-mayga o‘tar kechasi UEFA Yevropa Ligasi 2024/2025 yilgi mavsumining ilk yarim final uchrashuvlari boshlanadi. Finalga chiqish uchun Angliya, Ispaniya va Norvegiyadan kelgan to‘rt kuchli jamoa o‘zaro bellashadi.
Toshkent vaqti bilan 2-mayga mo‘ljallangan uchrashuvlar taqvimi:
00:00 — "Tottenxem Xotspur" (Angliya) vs "Bodø/Glimt" (Norvegiya)
00:00 — "Atletik" Bilbao (Ispaniya) vs "Manchester Yunayted" (Angliya)
Bu juftliklardagi javob uchrashuvlari 8-may kuni bo‘lib o‘tadi. Ikkinchi bosqich yakunlariga ko‘ra g‘oliblar Yevropa Ligasi finaliga yo‘l oladi. Final uchrashuvi may oyining oxirida o‘tkaziladi.
Eslatib o‘tamiz, amaldagi chempion — Italiyaning "Atalanta" jamoasi. U o‘tgan mavsum finalida Germaniyaning "Bayer" klubini 3:0 hisobida mag‘lub etgandi. O‘sha uchrashuvda nigeriyalik hujumchi Ademola Lukman xet-trik qayd etib, turnir tarixidagi eng yorqin finallardan birini namoyon etgan edi.
