YECHL. «Tottenhem» Londonda «Slaviya»ni yirik hisobda mag'lub etdi
"Tottenhem" Chempionlar ligasi umumiy turnir jadvalida 11 ochko bilan sakkizinchi o‘ringa ko‘tarilib oldi.
ФОТО: Getty images
"Tottenhem" o‘z maydonida Chempionlar ligasi umumiy bosqich 6-turidan o‘rin olgan bahsda "Slaviya"ni mag‘lub etdi - 3:0.
Mezbonlar safida Muhammad Kudus va Xavi Simons o‘z nomiga gol yozdirib qo‘ydi – har ikkala yarim himoyachi ham penaltini aniq amalga oshirdi. Yana bir golni mehmonlar himoyachisi David Zima o‘z darvozasiga kiritdi.
Shunday qilib, "Tottenhem" Chempionlar ligasi umumiy turnir jadvalida 11 ochko bilan sakkizinchi o‘ringa ko‘tarilib oldi. "Slaviya" 3 ochko bilan 32-pog‘onada bormoqda.
YECHL. 6-tur
Tottenhem - Slaviya - 3:0
Gollar: Zima, 26 - avtogol (1:0). Kudus, 50 - penaltidan (2:0). Simons, 79 - penaltidan (3:0)
Roziqjon Sultonmurodov
Jurnalist