YChL. Haftaning eng yaxshi futbolchisi nomiga nomzodlar roʻyxati eʼlon qilindi
Gʻolib muxlislarning ovoz berish yoʻli bilan aniqlanadi.
FOTO: Getty Images
UEFA Chempionlar Ligasining 1/8 final bosqichi doirasidagi ilk uchrashuvlardan so‘ng, tashkilot haftaning eng yaxshi futbolchisi nomiga da’vogar to‘rt nafar nomzodni e’lon qildi.
Ushbu ro‘yxatga quyidagi futbolchilar kiritildi:
- Xvicha Kvaratsxeliya («PSJ»): «Chelsi»ga qarshi o‘yinda (5:2) ikkita gol va bitta golli uzatma muallifi bo‘ldi.
- Federiko Valverde («Real»): «Manchester Siti» darvozasiga uchta gol urib (3:0), xet-trik qayd etdi.
- Xulian Alvares («Atletiko»): «Tottenhem»ga qarshi bahsda (5:2) ikkita gol va bitta samarali uzatmani amalga oshirdi.
- Maykl Olise («Bavariya»): «Atalanta»ga qarshi uchrashuvda (6:1) dubl va bitta golli uzatma bilan ajralib turdi.
Muxlislar UEFAning rasmiy sayti orqali ushbu nomzodlardan biriga o‘z ovozlarini berishlari mumkin.
Nasrullo Karimov
Jurnalist