YChL. «Benfika» oʻz maydonida «Napoli»ni ishonchli hisobda magʻlub etdi
Lissabondagi «Da Lush» stadionida 2025/2026 yilgi Chempionlar ligasi umumiy bosqichining 6-turi doirasida «Benfika» va «Napoli» jamoalari o‘zaro to‘qnash kelishdi. Uchrashuvda mezbonlar ishonchli tarzda — 2:0 hisobida g‘alaba qozondi.
O‘yin boshidan boshlab tashabbusni qo‘lga olgan portugaliyaliklar 20-daqiqada birinchi golni urishdi — yarimhimoyachi Richard Rios hisobni ochdi. Ikkinchi bo‘limning 49-daqiqasida Leandro Barreyro to‘pni darvozaga yo‘llab, ustunlikni mustahkamladi va uchrashuvning yakuniy natijasini belgiladi — 2:0.
Keyingi turda «Benfika» 21 yanvar kuni safarda «Yuventus»ga qarshi maydonga tushadi. «Napoli» esa 20 yanvar kuni Daniyada «Kopengagen» mehmoni bo‘ladi.
6-turdan so‘ng «Benfika» 6 ochko bilan umumiy jadvalda 25-o‘rinda bormoqda. «Napoli» esa 7 ochko jamg‘arib, 23-pog‘onada joylashgan.
YChL. 6-tur
«Benfika» — «Napoli» 2:0
Gollar: Rios (20), Barreyro (49).
