YChL. «Bayer» oʻz maydonida «Nyukasl» bilan durang oʻynadi
Chempionlar Ligasining 6-tur oʻyinlari davom ettirildi.
FOTO: Getty Images
UEFA Chempionlar Ligasi umumiy bosqichining 6-turidan oʻrin olgan bahsda «Bayer» va «Nyukasl» oʻzaro to'qnash keldi va yakunda tomonlar 2:2 hisobidagi durangga imzo chekishdi.
Dastlab Brunu Gimarayesh 13-daqiqada oʻz darvozasini ishgʻol qilib qoʻydi. 51-daqiqada Entoni Gordon muvozanatni tikladi.
74-daqiqaga kelib Lyuis Mayli inglizlarni oldinga olib chiqqan boʻlsa, 88-daqiqada Alexandro Grimaldo leverkuzenliklarni magʻlubiyatdan qutqarib qoldi.
Maʼlumot uchun, «Bayer» keyingi turda «Olimpiakos»ga, «Nyukasl» esa «PSV»ga qarshi maydonga tushadi.
YChL. 6-tur
«Bayer» — «Nyukasl» 2:2
Gollar: Gimarayesh (avtogol, 13), Grimaldo (88) — Gordon (51), Mayli (74).
Nasrullo Karimov
Jurnalist