YChL. 9 ta gol urilgan o‘yinda «PSJ» «Bavariya»ni mag‘lub etdi
Xvicha va Dembele dublga erishdi.
ФОТО: Getty images
"PSJ" Chempionlar Ligasi yarim finalining dastlabki o‘yinida "Bavariya" ustidan 5:4 hisobida g‘alaba qozondi.
Birinchi bo‘limning o‘zida jamoalar beshta gol urishdi va bu turnir yarim finallari tarixidagi ilk voqea sifatida qayd etildi.
Mezbonlardan Xvicha va Dembele dublga erishdi, mehmonlar hujumidagi Keyn-Olise-Dias trio ham o‘zini ko‘rsatdi.
"PSJ" va "Bavariya" o‘rtasidagi javob uchrashuvi 6 may kuni Myunxenda bo‘lib o‘tadi. Ushbu juftlik g‘olibi finalda "Atletiko" — "Arsenal" qarama-qarshiligi g‘olibi bilan kuch sinashadi.
YChL. Yarimfinal
Birinchi o‘yin
PSJ — Bavariya 5:4
28 aprel, "Park de Prens"
Gollar: Kvaratsxeliya (24, 56), Nevesh (33), Dembele (45+5 penalti, 58) — Keyn (17, penalti), Olise (41), Upamekano (65), Dias (68).
Roziqjon Sultonmurodov
Jurnalist