Xoselu: «Real»dan ketish qarori butun umr meni qiynaydi»
Madridning «Real» klubining sobiq hujumchisi Xoselu, hozirda Qatarning «Al-Ġarafa» klubida o‘ynayotgan, Iker Kasilyasning Bajo los Palos podkastida Qatar klubiga o‘tish unga juda og‘ir bo‘lganini tan oldi.
«Real»ni tark etish qarori butun umr meni qiynaydi, chunki men u yerda boshdan kechirgan narsalarni boshqa hech qachon boshdan kechirmayman. Ammo hozir farzandlarim, xotinim va ularning kelajagi haqida o‘ylash men uchun har qanday sport masalasidan muhimroq», — dedi Xoselu Bajo los Palos podkastida.
Hujumchi shuningdek, sovrinlar uchun kurashdagi va jon saqlash uchun kurashdagi bosimni solishtirib, har doim birinchi variantni afzal ko‘rishini aytdi.
Xoselu «Real» safida 2023/2024 yilgi mavsumda o‘ynab, 49 ta o‘yinda 18 ta gol urdi va klub bilan Chempionlar ligasi, La Liga va Ispaniya Superkubogini yutdi.
