Xoan Martinez PSJ e'tiborida
Ispaniyaning "Real" klubi himoyachisi Xoan Martinez Parijning "PSJ" klubi diqqat markaziga tushdi, deb xabar bermoqda Marca.
Manbalarga ko‘ra, Parij klubi 18 yoshli futbolchini o‘z safiga qo‘shib olish ustida bir necha oydan buyon ish olib bormoqda. Bu jarayonda shaxsan "PSJ" maslahatchisi Luis Kampus faol ishtirok etmoqda.
Martinezning shartnomasidagi kompensatsiya (otstupnoy) summasi 150 million yevroni tashkil etadi. Qizig‘i shundaki, yosh futbolchi hali "Real"ning asosiy jamoasida bitta ham o‘yin o‘tkazmagan.
Transfer ehtimoli: Agar "PSJ" futbolchini xarid qilishni muvaffaqiyatli amalga oshirsa, Martinez klub uchun katta investitsiyaga aylanishi mumkin, biroq hozircha yosh himoyachining asosiy jamoaga chiqishi borasida ko‘plab savollar mavjud.
