Xavi «Chelsi» boshqaruviga kelishi mumkin

Kataloniyaning «Barselona» klubi sobiq bosh murabbiyi Xavi Londonning «Chelsi» jamoasini boshqarishi mumkin. Bu holat amaldagi bosh murabbiy Enzo Mareska iste’foga chiqarilgan taqdirda yuz berishi ehtimol. Bu haqda Football Insider xabar bermoqda.

Manbaga ko‘ra, «Chelsi» rahbariyati Mareskaning so‘nggi matbuot anjumanlaridagi bayonotlaridan norozi. Xususan, mutaxassis jamoani hamma ham qo‘llab-quvvatlamayotgani haqida aytgan so‘zlari klubda salbiy munosabat uyg‘otgan.

45 yoshli Xavi 2021–2024 yillar davomida «Barselona»ni boshqargan. Ispaniyalik murabbiy lavozimidan ozod etilganidan buyon ishsiz qolmoqda.

Nasrullo Karimov

Jurnalist