Xavi: «Biz ko‘prog‘iga munosib edik»
Xavi Ernandes va Yurgen Klopp yangi lavozimlaridagi faoliyatini UEFA Millatlar ligasida Niderlandiya — Germaniya uchrashuvida boshlashdi. Bahs 1:1 hisobidagi durang bilan yakunlandi.
Mehmonlar 32-daqiqada Feliks Nmechaning goli evaziga hisobda oldinga chiqib olishdi. Niderlandiya terma jamoasi uchrashuv davomida bir qator xavfli vaziyatlar yaratdi, ammo Germaniya darvozaboni Mark-Andre ter Shtegenni faqat 92-daqiqada Kodi Gakpo gol bilan dog‘da qoldirdi.
Uchrashuvdan so‘ng Xavi Ernandes jamoasining harakatlarini yuqori baholadi.
«Biz ko‘prog‘iga munosib edik. Biz bosim o‘tkazdik, ko‘plab golli vaziyatlar yaratdik. Ikkinchi bo‘limda raqibdan to‘liq ustun kelishga erishdik. Albatta, bu faqat boshlanishi», — deya Xavining so‘zlarini The Touchline keltirdi.
Niderlandiya terma jamoasi Millatlar ligasidagi navbatdagi uchrashuvini 27-sentabr, yakshanba kuni mehmonda Serbiyaga qarshi o‘tkazadi.
