Xabi Alonso: «Chelsi»da barcha muvaffaqiyat uchun sharoit mavjud»
“Chelsi”ning yangi bosh murabbiyi Xabi Alonso klub haqidagi ilk taassurotlari hamda mavsumoldi tayyorgarlik rejalari bilan o‘rtoqlashdi.
“Bu juda yuqori darajadagi klub. Infratuzilma a’lo darajada, ammo bu o‘zi yetarli emas. Ishga mehr qo‘shish, uning mazmunini shakllantirish va ijobiy muhit yaratish kerak. Barcha o‘zini yaxshi his qiladigan joyda, odatda, yaxshi natijalar ham keladi.
Endi men uchun eng muhimi — insonlar bilan munosabatlarni yo‘lga qo‘yish. Chunki futbolda hamma narsa ishonch va o‘zaro tushunishdan boshlanadi.
Men futbolchilarning imkoniyatlarini yaxshi bilaman. Endi esa biz umumiy maqsad va yagona g‘oya atrofida birlashishimiz kerak. Men aynan shunday muhitni yaratishni istayman. Futbolchilar maydonda har bir musobaqada raqobatlasha olishimizga ishonishlari va bu jarayondan zavq olishlari lozim”, — dedi Alonso.
